V. Obtaining and Completing the Form
USCIS Website ထဲမှာ Asylum Application Form ကို အခမဲ့ တင်ပြထားပါတယ်။
ဒီ Form I-589 ကို Print ထုတ်ပြီး မှင်အနက်ရောင်နဲ့ English လို ရေးသားဖြည့်သွင်း ပေးရပါမယ်။ English မဟုတ်တဲ့ တခြားဘာသာနဲ့ ဖြည့်သွင်းထားခဲ့လျှင် Form ကို USCIS မှ လျှောက်ထားသူထံသို့ ပြန်ပို့ပေးမှာ ဖြစ်ပါတယ်။
Form ဖြည့်စဉ်မှာ ကိုယ်နဲ့ ကိုယ့်မိသားစုအကြောင်း မေးထားတဲ့ မေးခွန်းတိုင်းကို ဖြေဆိုရမှာ ဖြစ်ပါတယ်။ အကယ်၍ ကိုယ်နဲ့မသက်ဆိုင်တာ (သို့မဟုတ်) ကိုယ်မသိတာ ရှိခဲ့ပါက None / Not Applicable / Unknown ဆိုပြီး ဖြည့်သွင်းပေးရပါမယ်၊ အလွတ်ထားလို့မရပါဘူး။
အချက်အလက်တွေဖြည့်တဲ့နေရာမှာလည်း အသေးစိတ်ကျကျ ပြီးပြည့်စုံအောင် ဖြည့်သွင်းထားရပါမယ်။ နေရာမလောက်ပါက Supplement A, Supplement B တို့မှာ ဆက်လက်၍ ရေးသားဖြည့်သွင်းနိုင်ပါတယ်။
Case ပြင်ဆင်ချိန်မှာ Evidence အခိုင်အမာအပြင် Statement ရေးတဲ့နေရာမှာ ဖြစ်ခဲ့တဲ့ Event, Date နဲ့ ကိုယ့်အတွေ့အကြုံ အသေးစိတ်တွေ ဖော်ပြဖို့ လိုအပ်ပါမယ်။ ထပ်ပြီးတော့ သက်သေအနေနဲ့ တင်ပြစရာ စာရွက်စာတမ်းတွေကိုလည်း Asylum Interview နဲ့ Immigration Court မှာဆက်လက် တင်ပြနိုင်ပါတယ်။
Part A I. Information About You
ဒီအပိုင်းမှာ မိမိရဲ့ ကိုယ်ရေးအချက်အလက်နဲ့ ပတ်သက်ပြီး ဖြည့်စွက်ရပါတယ်။ Alien Registration Number (A-Number) ရှိတဲ့သူဟာ ထိုနံပါတ်ကို ထည့်ဖြည့်ရမှာဖြစ်ပြီး မရှိတဲ့သူတွေ အတွက် USCIS မှ နံပါတ်တစ်ခု ချပေးမှာ ဖြစ်ပါတယ်။
Form I-589 ရဲ့ Question 8 မှာ ကိုယ်နေထိုင်နေတဲ့ United States လိပ်စာကို အတိအကျ ထည့်သွင်းရပါမယ်။ အကယ်၍ ကိုယ် Mail လက်ခံမယ့် လိပ်စာက ကိုယ်နေနေတဲ့ အိမ်လိပ်စာ မဟုတ်ဘူးဆိုရင် Question 9 မှာ Mailing Address ထည့်ပေးလို့ရပါတယ်။ တခြားသူ တစ်ယောက်ယောက်က ကိုယ့်အစား Mail တွေလက်ခံပေးရမယ်ဆိုရင် Question 9 "In Care Of" ဆိုတဲ့နေရာမှာ လက်ခံမယ့် လူနာမည်ကို ဖြည့်ပေးပြီး Question 8 မှာတော့ နဂိုအတိုင်း ကိုယ့်လိပ်စာပဲ ကိုယ်ဖြည့်ရင်ရပါပြီ။ Question 13 နိုင်ငံနာမည် ဖြည့်တဲ့နေရာမှာ လက်ရှိ နိုင်ငံတကာက လက်ခံထားတဲ့ နာမည်ကိုပဲ ဖြည့်ပါ၊ ဒေသအခေါ်အဝေါ်၊ ရှေးခေတ်အခေါ်အဝေါ်တွေ မဖြည့်ပါနဲ့။
Part A II. Information About Your Spouse and Children
အမေရိကန်နိုင်ငံထဲရောက်ပြီး အိမ်ထောင်မကျသေးတဲ့ အသက် 21 နှစ်အောက် ကလေးများကို Asylum Application ထဲထည့်သွင်းလို့ရပါတယ်၊ အသက် 21 နှစ်ကျော်သွားရင် (သို့မဟုတ်) အိမ်ထောင်ကျပြီးသွားရင်တော့ သီးသန့် I-589 သက်သက်စီ တင်မှရပါလိမ့်မယ်။ ထိုကဲ့သို့ Asylum Application ထဲထည့်တယ်ဆိုတာ USCIS (သို့မဟုတ်) EOIR က Asylum Approval ပေးလိုက်ပြီဆိုတာနဲ့ မိမိနဲ့တကွ အိမ်ထောင်ဖက်နဲ့အတူ သားသမီးများပါ Asylum အောင်သွားမှာကို ဆိုလိုတာ ဖြစ်ပါတယ်။
တစ်ဖက်ကပြန်ကြည့်မယ်ဆိုရင်တော့ ကိုယ်က Asylum မအောင်ဘူးဆိုရင်တော့ သူတို့လည်း မအောင်ပါဘူး။
Immigration Court ရောက်မှ ကိုယ်က Asylum လျှောက်တယ်ဆိုရင်တော့ ကိုယ့်ရဲ့ Proceedings ထဲမှာမပါတဲ့ အိမ်ထောင်ဖက်နဲ့ သားသမီးတွေကို Immigration Judge အနေနဲ့ Asylum ပေးပိုင်ခွင့်မရှိတဲ့ အခြေအနေတွေ ဖြစ်လာနိုင်ပါတယ်။
Part A II. Information About Your Spouse and Children
မိသားစုဝင်တွေကို Asylum Application ထဲ ထည့်လျှောက်ရာမှာ ကိုယ်နဲ့တော်စပ်မှုကို စာရွက်စာတမ်းနဲ့တကွ မဖြစ်မနေ တင်ပြရမှာ ဖြစ်ပါတယ်။
အိမ်ထောင်ဖက် ဖြစ်ကြောင်း သက်သေပြဖို့ဆိုရင် Marriage Certificate မိတ္တူနဲ့ တခြားအရင်ကရှိခဲ့ဖူးတဲ့ အိမ်ထောင်တွေရဲ့ ကွာရှင်းစာချုပ်မှန်သမျှကို ထည့်သွင်းတင်ပြဖို့ လိုအပ်ပါတယ်။
အိမ်ထောင်မကျသေးတဲ့ အသက် 21 နှစ်အောက် ကလေးငယ်တွေကို ထည့်သွင်းရာမှာလည်း ကလေးတစ်ယောက်ချင်းစီရဲ့ မွေးစာရင်း လက်မှတ်တွေ တင်ပြဖို့ လိုအပ်ပါတယ်။
အဓိကစာရွက်စာတမ်းတွေ မရှိဘူးဆိုရင်တော့ Secondary Evidence အနေနဲ့ Medical Record တွေ၊ Religious Record တွေ၊ School Record တွေ သာမက ကျမ်းကျိန်သက်သေလွှာ တွေလည်း အသုံးပြုပြီး တင်သွင်းလျှောက်ထားနိုင်ပါတယ်။ သက်သေထွက်ဆိုသူဟာ အမေရိကန် နိုင်ငံသား (သို့မဟုတ်) Green Card ကိုင်ဆောင်သူ ဖြစ်စရာမလိုပါဘူး။
Part A II. Information About Your Spouse and Children
သက်သေပြတဲ့သူဟာ
သက်သေထွက်ဆိုရမယ့် Event အကြောင်း နှင့် မည်သို့သိရှိပုံကို အသေးစိတ်ရှင်းပြနိုင်ရပါမယ်။
သူ့ရဲ့ကိုယ်ရေးအချက်အလက်အကုန်လုံးနဲ့တကွ လျှောက်ထားသူနဲ့ တော်စပ်မှုကိုပါ တခါတည်း အပြည့်အစုံတင်ပြနိုင်ရပါမယ်။
Primary Evidence မတင်ပဲ Secondary Evidence တင်တဲ့သူတွေအနေနဲ့ Primary Evidence မတင်နိုင်တဲ့ အကြောင်းအရင်းကို ရှင်းပြချက် ထည့်ပေးရပါမယ်။ သားသမီး ၄ ယောက်ထက် ပိုပြီးရှိတဲ့သူတွေဆိုရင်တော့ ကလေးတစ်ယောက်စီအတွက် Part AII မှာထည့်ရမယ့် အချက်အလက်တွေကို Supplement A ထဲမှာ ဆက်လက်ဖြည့်သွင်းရမှာ ဖြစ်ပါတယ်။
Part A III. Information About Your Background
Question 1 မှ Question 5 အထိကို အသေးစိတ်ကျကျ ဖြေဖို့လိုအပ်ပါတယ်။ ယခင်ကနေခဲ့ဖူးတဲ့ အိမ်လိပ်စာ၊ ပညာရေး အခြေအနေ၊ အလုပ်ရာဇဝင် စတာတွေကို ဖြည့်ရပါမယ်၊ ဖြည့်တဲ့နေရာမှာ အခုလုပ်နေတဲ့ အခြေအနေ၊ နေထိုင်နေတဲ့လိပ်စာက စပြီး နောက်ဆုံးကနေ အရှေ့ဆုံးအထိ ပြောင်းပြန်စီပြီး ရေးပေးရပါမယ်။
Part B. Information About Your Application
ဒီအပိုင်းမှာဖြည့်ရမယ့်အချက်အလက်တွေက Asylum Eligibility၊ Section 241(b)(3) နှင့် Convention Against Torture အောက်က Withholding of Removal အတွက်လိုအပ်တဲ့ အချက်အလက်တွေ ဖြစ်ပါတယ်။
ပထမဆုံး Question 1 မှာ ဘာကြောင့် ဒီ Application Form တင်တယ်ဆိုတာ ရွေးချယ်ပေးရပါမယ်။ နောက်ဆက်တွဲ Yes or No မေးခွန်းတွေအတွက်ကတော့ မေးခွန်းမှာ Yes လို့ဖြေလိုက်ရင် Form I-589 ထဲမှာ ရှင်းလင်းချက်ကို အသေအချာ ထည့်ရေးဖို့ လိုအပ်မှာဖြစ်ပါတယ်။ စာရွက်နေရာ မလောက်ခဲ့ရင် Supplement B မှာ ဆက်လက် ရှင်းလင်းတင်ပြလို့ ရပါသေးတယ်။
ကိုယ်က Refugee တစ်ယောက်ဖြစ်တယ်ဆိုတာ သက်သေပြဖို့အတွက် ကိုယ်ကြုံခဲ့ရဖူးတဲ့ အတွေ့အကြုံတွေ၊ မိသားစုဝင်တွေ ကြုံခဲ့ရဖူးတဲ့ အတွေ့အကြုံတွေကို ရှင်းရှင်းလင်းလင်း တင်ပြနိုင်ဖို့လိုအပ်ပါတယ်။
ကိုယ်ကြုံတွေ့ခဲ့ရဖူးတဲ့ ဒုက္ခတွေ ဘယ်လောက် ဆိုးဝါးတယ်ဆိုတာ ဖော်ပြဖို့ ခက်ခဲနေခဲ့တယ်ဆိုရင်တောင်မှ ဒါတွေဟာ Asylum Officer နဲ့ Interview လုပ်နေစဉ် အချိန်မှာဖြစ်စေ (သို့မဟုတ်) Immigration Judge ရှေ့မှာဖြစ်စေ မဖြစ်မနေဖော်ပြဖို့ ပြင်ဆင်ထားရပါမယ်။ ဒီအချက်တွေဟာ ကိုယ့်ကို အမေရိကန်နိုင်ငံမှာ ဆက်နေဖို့ ခွင့်ပြုသင့်၊ မပြုသင့် ဆုံးဖြတ်ချက်ချတဲ့အခါမှာ အထောက်အကူပြုစေမှာ ဖြစ်ပါတယ်။ ကိုယ့်ရဲ့ အတိတ်ကအဖြစ်အပျက်တွေကို ဖော်ပြဖို့ကြိုးစားတဲ့နေရာမှာ အခက်အခဲ ဖြစ်နေတယ်ဆိုရင် ရှေ့နေတစ်ယောက်ယောက်နဲ့ဖြစ်စေ ကျန်းမာရေးပညာရှင် တစ်ယောက်ယောက်နဲ့ဖြစ်စေ တိုင်ပင်ဖို့အတွက် အကြံပေးချင်ပါတယ်။
Part C. Additional Information About Your Application
မေးခွန်း တစ်ခုချင်းဆီမှာ Yes or No ရွေးရပါမယ်။ မေးခွန်းမှာ Yes လို့ ဖြေလိုက်ရင် ရှင်းလင်းချက်ကို Form I-589 Supplement B မှာ အသေအချာ ထည့်ရေးဖို့ လိုအပ်ပါတယ်။
Question 5 မှာ Yes လို့ဖြေထားတယ်ဆိုရင် အမေရိကန်နိုင်ငံအတွင်း ပထမဆုံးရောက်ရှိတဲ့ အချိန်တစ်နှစ်အတွင်းမှာ ဘာကြောင့် Asylum မလျှောက်ခဲ့ရလဲ ဆိုတာကို ရှင်းပြရပါမယ်။ ဒီကြားအချိန်ကာလအတွင်း လျှောက်ထားသူရဲ့ နိုင်ငံဘက်မှာ နိုင်ငံရေး အပြောင်းအလဲ ရှိနေခြင်း၊ ကိုယ်ရေးကိုယ်တာ အခြေအနေများ ပြောင်းလဲသွားခြင်း စတဲ့ အကြောင်းပြချက်ခိုင်လုံရင် နောက်ကျမှ Asylum လျှောက်တာကို U.S အစိုးရက လက်ခံပေးမှာဖြစ်ပါတယ်။
နောက်ကျစေတဲ့ အကြောင်းအရင်းတွေကို ခိုင်ခိုင်မာမာ တင်ပြဖို့ မဖြစ်မနေ လိုအပ်ပါတယ်။ ဒီလို အကြောင်းအရင်း နမူနာ တွေဟာ
နိုင်ငံမှထွက်ခွာလာပြီး နောက်ပိုင်းမှာ နိုင်ငံအတွင်း လူ့အခွင့်အရေး ချိုးဖောက်ခံရမှုများ ပိုမိုဆိုးရွားလာကြောင်း သိရှိလာခြင်း၊ ကျန်းမာရေးအခြေအနေကြောင့် နိုင်ငံအတွင်းရောက်ခါစ ပထမဆုံးနှစ်တွင် Asylum မတင်ဖြစ်ခဲ့ခြင်း၊
အရင်က Asylum Application Form တင်ပေးခဲ့ဖူးပေမယ့် မပြည့်စုံတဲ့အတွက် ပြန်ပို့ခံလိုက်ရပြီး ထိုမှတစ်ဆင့် အချိန်အတိုင်းအတာ တစ်ခုအပြီးမှာမှ Application Form ပြန်တင်ခြင်း စတဲ့ အကြောင်းရင်းတွေဖြစ်ပါတယ်။ ဒီလို ကန့်သတ်ချက်တွေနဲ့ ပတ်သက်တဲ့ Federal Regulation တွေကို 8 CFR § 208.4 & 1208.4 တို့မှာ တရားဝင်ရေးဖွဲ့ထားပါတယ်။
Part D. Your Signature
Asylum Application Form ရဲ့ သက်ဆိုင်ရာမေးခွန်းတွေ ဖြေပြီးပြီဆိုရင်တော့ ပြန် Review လုပ်ပြီး Part D နေရာမှာ လက်မှတ် ထိုးရမှာဖြစ်ပါတယ်။ ကိုယ့်ရဲ့ Application ကို ဖြေဆို ဖြည့်သွင်းရာမှာ ကူညီခဲ့တဲ့ လူတွေအကြောင်းကိုလည်း ဖော်ပြပေးရပါမယ်။
Asylum Application Form တင်တဲ့နေရာမှာ တခြားသူတစ်ယောက်ယောက်ရဲ့ အကြံပြုချက်ကြောင့်ဖြစ်စေ ကိုယ့်သဘောဆန္ဒနဲ့ကိုယ်ဖြစ်စေ အချက်အလက်အမှားတွေကို ရည်ရွယ်ချက်ရှိရှိ တင်ခဲ့လျှင်သော်လည်းကောင်း ပေါ့ပေါ့တန်တန် သဘောထားပြီးဖြည့်လျှင်သော်လည်းကောင်း Immigration and Nationality Act (INA) အရ ဘယ်တော့မှ Immigration ဆိုင်ရာ လျှောက်ထားပိုင်ခွင့်မရှိတော့အောင် အရေးယူပိတ်ပင်ခံရနိုင်ပါတယ်။
Part E. Declaration of Person Preparing Form, if Other Than Applicant, Spouse, Parent or Child
ကိုယ့်ရဲ့ Asylum Application Form ဖြည့်ခဲ့စဉ်မှာ အကူအညီပေးတဲ့ (မိသားစုဝင်မဟုတ်တဲ့) အခြားသူက Part E မှာ တောင်းဆိုတဲ့ အချက်အလက်တွေ ဖြည့်စွက်ပြီး လက်မှတ်ထိုးပေးရပါမယ်။
Penalty for Perjury
Penalty of Perjury အရ ယခု ဖြည့်စွက်နေတဲ့ Asylum Application Form ထဲမှာပါဝင်တဲ့ Information တွေ Statement တွေ အကုန်လုံးဟာ အမှန်အကန်တွေဖြစ်ကြောင်း ကြေညာတဲ့အနေနဲ့ မိမိသာမက ကူညီဖြည့်စွက်ပေးတဲ့သူပါ လက်မှတ်ထိုးပေးရပါမယ်။ ဤကဲ့သို့ လက်မှတ်ထိုးခြင်းဟာ မိမိ Application ထဲမှာ ပါရှိတဲ့ အချက်အလက်တွေကို သိရှိနားလည်ကြောင်း ဝန်ခံသဘောတူတာလည်း ဖြစ်ပါတယ်။ ဆက်လက်ပြီး ကူညီပေးတဲ့သူရဲ့ နာမည်၊ လိပ်စာ၊ ဖုန်းနံပါတ်တို့ကို Part E မှာ ဖြည့်စွက်ရပါမယ်။ မဖြည့်ခဲ့ဘူးဆိုရင် Incomplete Form ဖြစ်တယ်ဆိုပြီး ပြန်ပို့ခံရမှာ ဖြစ်ပါတယ်။ အကယ်၍ မိသားစုဝင်မဟုတ်တဲ့ သူတစ်ယောက်ဆီက အကူအညီယူခဲ့ပေမယ့် ထိုသူဟာ ရည်ရွယ်ချက်ရှိရှိ လက်မှတ်မထိုးခဲ့တဲ့အကြောင်းကို USCIS ဘက်မှရှာဖွေတွေ့ရှိတယ်ဆိုရင်တော့ Asylum အအောင်ပေးမှာ မဟုတ်ပါဘူး။
Title 18 United States Code (U.S.C.) ရဲ့ Section 1546 (a) မှာ
Whoever knowingly makes under oath, or as permitted under penalty of perjury under section 1746 of title 28, knowingly subscribes as true, any false statement with respect to a material fact in any application, affidavit, or other document required by the immigration laws or regulations prescribed thereunder, or knowingly presents any such application, affidavit, or other document containing any such false statement shall be fined in accordance with this title or imprisoned not more than 10 years, or both.
လို့ပြဌာန်းထားပါတယ်။ ဒီထက်ပိုပြီး ဆိုးရွားတဲ့ အကြောင်းအရင်းတွေ ရှိသေးတယ်ဆိုရင်တော့ ထောင်ဒဏ် ၂၅ နှစ်အထိ အမြင့်ဆုံး ချမှတ်လို့ရပါတယ်။ ဒါကိုမှ သိသိလျက်နဲ့ အချက်အလက်အမှားတွေ ထည့်လျှောက်ခဲ့တယ်ဆိုရင်တော့ Title 18 of the U.S.C. နဲ့ Civil Penalties under Section 274C of the INA, 8 U.S.C. 1324c (see 8 CFR parts 270 and 1270) အရ လျှောက်ထားသူရော ကူညီပြင်ဆင်ပေးသူရော ပြစ်ဒဏ် ခံရတော့မှာ ဖြစ်ပါတယ်။
Part F. To Be Completed at Asylum Interview, if Applicable
Asylum Application Form File ကိုတင်လိုက်တဲ့အခါ Part F မှာ လက်မှတ်မထိုးခဲ့ပါနဲ့၊ ဒီနေရာဟာ Asylum Interview အပြီး အနှစ်ချုပ်တဲ့အခါကျမှ လက်မှတ်ထိုးရမှာဖြစ်ပါတယ်။
Part G. To Be Completed at Removal Hearing, if Applicable
Part F နှင့်အလားတူစွာ Asylum Application Form File ကိုတင်လိုက်တဲ့အခါ Part G မှာ လက်မှတ်မထိုးခဲ့ပါနဲ့၊ ဒီနေရာဟာ Immigration Judge အရှေ့ရောက်တဲ့အချိန်မှ လက်မှတ်ထိုးရမှာဖြစ်ပါတယ်။